पीककर्ज, सक्तीच्या वसुली विरोधात शेतकरी संतप्त

शेतकऱ्यांची आर्थिक वाहिनी असलेल्या जिल्हा मध्यवर्ती सहकारी बँकेच्या गुरुवारी (ता. २६) झालेल्या वार्षिक सर्वसाधारण सभेत अडकलेल्या ठेवी मिळाव्यात यासाठी ठेवीदार आक्रमक झाल्याने गदारोळ झाला. पीककर्ज मिळत नसल्याने तसेच सक्तीच्या वसुली विरोधात शेतकऱ्यांनी संतप्त भावना व्यक्त करत, बँक प्रशासनाला धारेवर धरले. बँक प्रशासनाकडून समाधानकारक उत्तरे मिळत नसल्याने संतप्त झालेल्या ठेवीदारांसह शेतकऱ्यांनी थेट व्यासपीठावर येत प्रशासक यांना विचारणा केली. बँकेची आर्थिक परिस्थिती सुधारत नसून, आगामी काळातही सुधारण्याची शक्यता कमी असल्याने शेतकऱ्यांच्या हितासाठी सभासदांनी जिल्हा बँकेचे महाराष्ट्र सहकारी बँकेत विलीनीकरण करण्याचा ठराव या वेळी केला.