पतपुरवठ्यात मागीलवर्षीपेक्षा ७४ हजार २८५ कोटींची वाढ

नागरिकांना वेळेत कर्ज मिळावे यासाठी जिल्ह्याचा वार्षिक पतपुरवठा आराखडा मागील वर्षापेक्षा ७४ हजार २८५ कोटींनी वाढवण्यात आला आहे. जिल्ह्याचा एकूण पतपुरवठा ३ लाख १ हजार ६०० कोटींचा आहे. त्यानुसार सर्व बँकांनी कर्जवाटप करून जिल्ह्याचे उद्दिष्ट वेळेत पूर्ण करावे, असे आवाहन जिल्हाधिकारी डॉ. सुहास दिवसे यांनी केले. जिल्हाधिकारी कार्यालयात आयोजित जिल्हास्तरीय पतपुरवठा आढावा समितीच्या शुक्रवारी (ता. १३) झालेल्या बैठकीत डॉ. दिवसे बोलत होते.