राजापुरी हळदीची उलाढाल २५८ कोटींनी वाढली

गेल्या तीन वर्षांत हळदीचे दर दबावत होते. गेल्या वर्षी पावसाची कमतरता आणि पाण्याची टंचाई याचा फटका हळद पिकाला बसल्याने उत्पादन घटले आहे. यामुळे हळदीला दराची झळाळी मिळाली असून २०२३-२४ या आर्थिक वर्षात हळदीची उलाढाल १४८९ कोटी ८६ लाख ३८ हजार ४२५ झाली. २०२२-२३ च्या तुलनेत राजापुरी (स्थानिक) हळदीची उलाढाल २५८ कोटी ५१ लाख ५५ हजार ३५८ रुपयांनी वाढली, अशी माहिती बाजार समितीच्या सूत्रांनी दिली.