राज्यातील ४ जिल्ह्यात होणार सोलार पार्क, शेतकऱ्यांना होणार दिवसा वीज उपलब्ध

एसजेव्हीएन ग्रीन एनर्जीमार्फत राज्यातील चार जिल्ह्यांमध्ये तब्बल १ हजार ३५२ मेगावॉटचे सोलर पार्क उभारला जाणार आहे. मुख्यमंत्री सौर कृषी वाहिनी योजनेतंर्गत २ ते १० मेगावॉट क्षमतेचे १०२ सौरऊर्जा प्रकल्प उभारले जाणार आहेत. पुणे, नाशिक, छत्रपती संभाजीनगर, सोलापूर या ४ जिल्ह्यांमध्ये हे प्रकल्प असणार आहेत. ग्रीडने जोडलेल्या या प्रकल्पांमध्ये तयार होणारी वीज शेतकऱ्यांच्या कृषी पंपाला पुरवली जाणार आहे.