राज्यातील 6 लाख गाय दूध उत्पादकांना 90 कोटींचे अनुदान जमा

राज्यात गायीच्या दुधाचे दर कमी झाल्यानंतर दूध उत्पादक शेतकऱ्यांमध्ये तीव्र नाराजी पसरली होती. दरम्यान यावर राज्य सरकारने दूध उत्पादकांना गायीच्या दूधाला 5 रूपये अनुदान देण्याचे ठरवले. यामध्ये राज्यातील सहकारी दूध संघांना हे अनुदान देण्यात आले आहे. राज्यातील 6 लाख 303 शेतकऱ्यांच्या खात्यांवर आतापर्यंत तब्बल 90 कोटी 90 लाख 85 हजार रुपयांचे अनुदान जमा करण्यात आल्याची माहिती राज्य दुग्ध विभागाकडून देण्यात आली आहे.