रेशीम उत्पादकांचा होणार ‘रेशीम रत्न’ पुरस्काराने गौरव

नागपूर: एक एकरातून एक लाख रुपयांचे उत्पन्न घेणाऱ्या शेतकऱ्यांना यापुढे रेशीम रत्न पुरस्कार देऊन सन्मानित करण्यात येणार आहे. रेशीम संचलनालयाच्या पाठपुराव्यानंतर सहकार, पणन व वस्त्रोद्योग खात्याने गुरुवारी (ता.22) या संबंधीचा शासन आदेश काढला. पुणे, छत्रपती संभाजी नगर, अमरावती, नागपूर या चार विभागांतील 612 शेतकऱ्यांना पहिल्यावर्षी हा पुरस्कार देण्यात येईल. त्यासाठी 15 लाख 98 हजार रुपयांची तरतूद केली आहे.