शेतातल्या मोटारीला ऑटोस्विच दिसले तर होणार कारवाई, त्याऐवजी वापरा...

ग्रामीण भागामध्ये अनेकवेळा विजेचा लपंडाव सुरु असतो. त्यामुळे अनेक शेतकरी ऑटो स्विच बसवितात; परंतु वीजपुरवठा सुरु झाल्यानंतर विद्युतपंप तत्काळ सुरू होत असला तरी एकाचवेळी सगळे विद्युत पंप सुरू होत असल्याने रोहित्रावर भार पडत आहे. परिणामी केबल, रोहित्र जळण्याच्या घटना घडत असल्याचे महावितरणच्या लक्षात आले आहे. त्यामुळे ऑटो स्विच काढून कॅपॅसिटर बसवावे, असे आवाहन महावितरणने केले आहे. ऑटो स्विच दिसले तर महावितरणकडून कारवाई केली जाणार आहे. यासाठी विशेष पथक नेमण्यात आले आहे.