शेतकरी संघटनेच्या पीकविम्यासंदर्भातील आंदोलनाला यश

शेतकरी संघटनेने पीकविम्यासह विविध मागण्यांसाठी मागील पाच दिवसांपासून आंदोलन सुरू केले होते. आंदोलकांच्या मागण्या मान्य करण्यात आल्याने त्यांनी आंदोलन स्थगित करण्यात येत असल्याचे जाहीर केले. गेल्या पाच दिवसांपासून शेतकरी संघटनेच्या वतीने पीकविम्यासंदर्भात कृषी कार्यालय येथे आंदोलन सुरू होते. नुकसानग्रस्त शेतकऱ्यांना झालेल्या नुकसानीचा पीकविमा मिळण्यात यावा, कृषी कार्यालयाच्या कर्मचाऱ्यांना सोबत घेऊन विमा प्रतिनिधींनी पंचनामे तयार करावेत व एकही शेतकरी पीकविम्यापासून वंचित राहू नये, या मागणीकरिता हे ठिय्या आंदोलन आयोजित करण्यात आले होते.