सिंधुदुर्गातील ७०० वर बागायतदार फळपीक विमा परताव्यापासून वंचित

जिल्ह्यातील ७०० हून अधिक आंबा, काजू बागायतदार फळपीक विमा परताव्यापासून वंचित राहिले असून ही रक्कम सुमारे १० कोटींपेक्षा अधिक आहे. दरम्यान जिल्हा कृषी अधीक्षक कार्यालयाकडून ही रक्कम मिळण्यासाठी सतत पाठपुरावा सुरू आहे. हवामानावर आधारित पीकविमा योजनेत सिंधुदुर्गातील आंबा आणि काजू पिकांचा समावेश आहे. आंबा पिकाखालील १४ हजार ६६८ हेक्टर क्षेत्र तर काजू पिकाखालील ५ हजार २४३ हेक्टर क्षेत्र असे एकूण १९ हजार ९११ हेक्टर क्षेत्र संरक्षित करण्यात आले.