सोयापेंड निर्यातीसाठी केंद्र सरकारला साकडे

मुख्यमंत्री देवेंद्र फडणवीस आणि राज्य कृषिमूल्य आयोगाचे अध्यक्ष पाशा पटेल यांनी सोयापेंड निर्यातीसाठी केंद्र सरकारला साकडे घातले आहे. सोयापेंड निर्यातीसाठी अनुदान दिल्यास देशातून सोयापेंड निर्यात वाढेल. देशातून अतिरिक्त सोयापेंड बाहेर गेल्यास देशात सोयाबीनचे दर सुधारतील. अर्थात, आता सोयाबीनचे दर वाढले तरी बहुतांश शेतकऱ्यांना फारसा फायदा होणार नाही. कारण आता ज्यांच्याकडे सोयाबीन शिल्लक आहे, अशा शेतकऱ्यांची संख्या खूपच कमी आहे. मात्र पुढच्या हंगामाचा विचार करता आता सोयाबीनचे भाव वाढून अतिरिक्त साठ्याची विल्हेवाट लागणे आवश्यक आहे.