तीन जिल्ह्यांत हरभऱ्याची उत्पादकता हेक्टरी 9 ते 12 क्विंटल दरम्यान

मराठवाड्यातील छत्रपती संभाजीनगर, जालना व बीड या तीन जिल्ह्यांत यंदाच्या रब्बी हंगामात हरभऱ्याची सर्वाधिक क्षेत्रावर पेरणी झाली होती. काढणी अंतिम टप्प्यात असलेल्या हरभऱ्याची हेक्टरी उत्पादकता 9 ते 12 क्विंटल दरम्यान आली आहे. आजवर घेण्यात आलेल्या पीक कापणी प्रयोगानुसार छत्रपती संभाजीनगर जिल्ह्यात हरभऱ्याची उत्पादकता सर्वांत कमी तर जालना जिल्ह्यात सर्वांत जास्त आली आहे.