तुरीचे दर बाजारात हमीभावापेक्षाही कमी; शेतकऱ्यांमध्ये चिंता वाढली

खरिपातील नगदी पीक अशी ओळख असलेल्या तुरीचे दर कमालीचे घटले आहेत. खुल्या बाजारात हमीदराच्या तुलनेत पाचशे रुपये कमी दराने तूर विकल्या जाऊ लागली आहे. सोयाबीन व कापसाचे भाव पडले असताना आता तुरीचेही दर पडल्याने शेतकऱ्यांसमोर आर्थिक संकट निर्माण झाले आहे. अशातच केंद्राने तूर आयातीला एक वर्ष मुदतवाढ दिल्याने भविष्यात आणखी दर कोसळण्याची शक्यता निर्माण झाली आहे.