वाशीमला संत्र्याच्या मृग बहर तोडणीस प्रारंभ

दर्जेदार संत्रा उत्पादनात विदर्भात आघाडीवर येत असलेल्या वाशीम जिल्ह्यात यंदाच्या मृग बहराची तोडणी सुरू झाली आहे. शेतकऱ्यांना प्रतिटन ३५ ते ४२ हजारांदरम्यान दर भेटत असल्याने शेतकरी समाधान व्यक्त करीत आहेत. या जिल्ह्यात संत्र्याचे १२ हजार हेक्टरपर्यंत लागवड क्षेत्र पोहोचले आहे. मृग बहर घेण्यासाठी शेतकऱ्यांनी यंदा केलेले नियोजन बऱ्याच अंशी फळाला आले आहे. अनेक बागा चांगल्या पद्धतीने बहरल्या होत्या. या फळांची तोडणी सध्या सुरू झाली.